Sewa Prawaha लोक सेवा र प्रशासन सम्बन्धी डिजिटल पत्रिका
। कोदोलाई पोषिलो अन्न मानिन्छ । पोषक तत्वको कुरा गर्ने हो भने यसमा क्याल्सियम, कार्बोहाइड्रेट, फस्फोरस, आइरन, प्रोटिन, चिल्लो पदार्थ, थाइमिन र रेसादार वस्तु पाइन्छ ।
यसमा चामल र मकैभन्दा ३५ गुणा अनि गहुँभन्दा ८.७३ गुणा बढी क्याल्सियम पाइन्छ । यसमा मकैभन्दा ३.७ गुणा, चामलभन्दा २.३ गुणा र गहुँभन्दा १.५ गुणा बढी आइरन पाइन्छ । थोरै खाएर पनि पेट भरिने र धेरै पोषण तत्त्व प्राप्त गर्न सकिने बालीको रूपमा कोदोलाई लिइन्छ ।
कोदोलाई मुख्य खाद्य बालीको रूपमा विश्वका धेरै देशहरूमा व्यापक रूपमा उब्जनी गरिन्छ र यसलाई विश्वको सबैभन्दा पुरानो बालीमध्येको एक मानिन्छ । कोदो खेती लगभग ५०,०० वर्षभन्दा बढी पुरानो रहेको प्रमाण छ । पोएसी परिवार (Poaceae family) अन्तर्गत पर्ने कोदोका धेरै प्रजाति छन् । जस्तै; मोती कोदो, औँले कोदो, प्रोसो कोदो, फक्सटेल कोदो, कोडो कोदो र बार्नयार्ड कोदो आदि ।
