काठमाडौं । महानगर प्रहरी प्रमुख राजुनाथ पाण्डेले जेनजी आन्दोलनका क्रममा सिंहदरबार जलिरहँदा पनि काठमाडौं महानगरपालिकाले दमकल नपठाएको भन्ने कुरा गलत भएको दाबी गरेका छन् ।
बिहीबार बिहान पत्रकार सम्मेलन गरी उनले आफूहरूले आगो निभाउन सक्दो प्रयास गरेको जिकिर गरेका हुन् । ‘महानगरपालिकाले दमकल परिचालन गरेन भन्ने कुरा गलत हो’, उनले भने, ‘सिंहदरबारमा हामीले पाँचवटा दमकल परिचालन गरेका थियौँ । ’
समयमै दमकल परिचलान नभएका कारण केही ढिला भएको उनले बताए । ‘आगो लाग्नेबित्तिकै दमकल सिंहदरबार लाने परिस्थिति थिएन । तयसैले केही ढिला भयो,’ उनले भने ।
