काठमाडौँ । नेकपा (एमाले)का अध्यक्ष केपी शर्मा ओलीले पूर्वराष्ट्रपति विद्यादेवी भण्डारीको पार्टी सदस्यताको विषयलाई अनावश्यक ढंगले उचालिएको बताएका छन । शुक्रबार ललितपुरको गोदावरीमा आयोजित पार्टीको दोस्रो विधान महाधिवेशनमा ओलीले भण्डारीको पार्टी सदस्यताको विषय महाधिवेशनसँग सम्बन्धित नभएकाले छलफल नै हुन नसक्ने बताएका हुन ।
उनले पूर्वराष्ट्रपति भण्डारीको पार्टी सदस्यताको प्रश्न कमिटीगत छलफलको विषय भएकोले त्यसबारे स्थायी कमिटी वा केन्द्रीय कमिटीमा मात्रै बहस हुने बताए । पार्टीभित्र कतिपय कुरालाई अनावश्यक रूपमा अघि बढाउन खोजिएको भन्दै उनले विधान महाधिवेशनको मुख्य कार्यसूची विधानसँग सम्बन्धित विषयमै केन्द्रित हुने बताए ।
ूविधान महाधिवेशनको बेला केही विषयहरू अनावश्यक ढंगले अघि बढाइएका छन् । ती कुराहरू विधान महाधिवेशनसँग सम्बन्धित छैनन् । ती विषयहरू अन्यत्रै कमिटीगत छलफलका विषय हुन् ओलीले भने, विधान महाधिवेशनमा विधानको विषयमा केन्द्रित भएर छलफल हुन्छ ।
महाधिवेशनमा अध्यक्ष ओलीले राजनीतिक प्रतिवेदन, उपाध्यक्ष एवं उपप्रधानमन्त्री तथा अर्थमन्त्री विष्णु पौडेलले विधान संशोधन प्रस्ताव र महासचिव शंकर पोखरेलले सांगठनिक प्रतिवेदन प्रस्तुत गर्ने कार्यक्रम रहेको छ । अध्यक्ष ओलीले सोही कार्यसूचीमा केन्द्रित भएर छलफल अघि बढ्ने बताए ।
