प्रधानमन्त्री तथा मन्त्रिपरिषद्को कार्यालयका प्रवक्ता रविलाल शर्माद्वारा जारी विज्ञप्तिमा भनिएको छ, ‘प्रधानमन्त्रीज्यू वा यस कार्यालयको तर्फबाट कुनै पनि व्यक्ति वा समूहलाई चन्दा वा सहयोग सङ्कलनका लागि अनुमति दिइएको छैन । यस्ता भ्रामक गतिविधिमा विश्वास नगर्न र कसैले यस्तो आग्रह गरेमा पूर्ण रूपमा अस्वीकार गर्न अनुरोध छ ।’

प्रधानमन्त्री कार्कीको नाम प्रयोग गरी चन्दा सङ्कलन गर्ने वा त्यस्ता गतिविधिलाई प्रोत्साहित गर्ने कार्य फेला परेमा नजिकको स्थानीय प्रशासनमा तुरुन्त जानकारी गराई कानुनी कारबाहीका लागि आग्रह गरिएको छ । साथै, विदेशमा बसेर यस्ता अनधिकृत गतिविधि गरेको जानकारी भएमा सम्बन्धित देशको नेपाली नियोगमा सूचना दिन पनि अनुरोध गरिएको छ ।