पाँचथर । फिदिम नगरपालिका–११, तृतिया बजारस्थित फिदिम नगरपालिका–११ नं. वडा कार्यालय भवनमा तोडफोड भएको छ।
घटनामा वडा कार्यालयको एक तल्ले पक्की भवनका ७ वटा झ्यालका कुल २१ वटा पल्लाको सिसा फुटाई क्षति पुर्याइएको जिल्ला प्रहरी कार्यालय पाँचथरले जनाएको छ।
तोडफोडमा संलग्न फिदिम–११ का २८ वर्षीय बल शंकर र ३१ वर्षीय भिम सुबेदीलाई प्रहरीले नियन्त्रणमा लिएको छ।
घटनाबारे थप अनुसन्धान कार्य जारी रहेको प्रनाउ अनिश कुमार कर्णले जानकारी गराएका छन्।